2018/11/16 9:00-19:00
Donostia. Tabakalera
Demokrazian eta euskal lurraldeen arteko kohesioan eta bizikidetzan sakontzea dugu helburu. Euskal lurraldeen erabakitzeko gaitasuna, gure harremanak instantzia politiko zabalagoekin –mundua, Europa, Estatuak–, erabakiak hartzeko kultura demokratiko berriak, lurralde-ardatzak eta sinergiak, finean, euskal lurraldeen arteko lankidetzarako aukerak izango ditugu aztergai.
Adituen hausnarketak, herritarren nahiak eta eragileen proposamenak batuko ditugu, eta horiekin lotutako erakundeen bide-orriekin batera, euskal lurraldeen kohesio eta bizikidetzarako itsasargi izan nahi duen Liburu zuria aurkeztuko dugu.
Partekatu:
Aurtengo Eusko Ikaskuntzaren 18. Kongresuko antolatzaileek, jasangarritasunaren aldeko konpromisua hartzea erabaki dute, ekitaldiaren ingurumeneko inpaktua murrizteko helburuarekin. Horretarako, zenbait neurri ezarri dira Eusko Jaurlaritzako Ihobe, Ingurumen Jarduketerako Sozietate Publikoa sortutako Erronka Garbia zigiluaren bidez. Modu honetan, ingurumen aldetik arduratsua eta jasangarria den ekitaldia antolatzea bilatzen da, eragile guztien partaidetzarekin batera.
