Basque songbook

Original text

1. Ene bihotzak eztu gaurik ez egunik,
Nigar ithurrietan ixurtzen ez denik.
Xangrin handitan dela maitia yakinik,
Sabelaren barnean hexurrak eginik.

2.-Xarmagarria zira eder eta gazte.
Ene bihotzak eztu zu baizikan maite.
Bertze zenbait bezala balin banintz libre,
Zurekin ezkontzeaz dudarik ez nuke.

3.-Yauna, zer mintzo zira gisa hortan niri?
Zeren zure arropari etzayon komeni.
Zure ganik enpaxu gertha banindadi,
Adios erran nio ene herriari.

4.-Maitea, pharti zaite, plazer duzunean,
Nehork ikusi gabe ilhunabarrean.
Lagun bat emanen daitzut yoaiteko bidean;
Hark ezarriko zaitu trankil bihotzean.

5.-Betteren zamaria, erradak egia,
Norat eraman duyan ene gelaria.
-Xuberoa behera, aitzin kargatua.
Etxera yinen zitzu, sabela hustua.

6. Parisetik yin duzu bisitaz barbera,
Nondik sofritzen duen mintza dadin bera.
Barberak eriari gaitz handitan dela;
Eritu den lekhutik sendaturen dela.

7. Eriak barberari bisitaz milesker,
Segeret izaiteaz egiteko plazer;
Eta sendarazteaz ahal bezen laster,
Aphez Yaunari baizik erran gabe bertzer.

8. Barberak eriari:-Gaixo Serafina,
Gaitz horrek badikezu denbora yakina.
Bederatzi hilabete du bere adina.
Orduan yoanen zaitzu sabeleko mina."