Subirautza, erabakia, ahalmena eta demokrazia

Europan ez da herri subirautza demokratizatu, ezta irmotu ere, pribatizatu egin da. Herritarrak ahaldundu behar zituzten gobernantza mekanismoak biderkatu dira, baina ez dira demokratizatu. Zentzu horretan, globalizazioak eta Europar Batasunak autoritate politikoaren eta erabaki publikoaren pribatizazioa ekarri dute. Gobernantza mekanismoek eta gobernu maila anitzek, beraz, ez dute oraingoz soberania edo subirautza demokratizatu, ez dutelako autoritatea edo herritarren autoritate eta erabaki politikoa ziurtatu edo bermatu; guztiz alderantziz, pribatizatu egin dute.