Agenda
Jardunaldiak, hitzaldiak eta ikastaroak
Euskara, ikastetxetik plazara!
- Ordutegia eta data:
- 2018/09/21 9:00-13:00
- Tokia:
- Elkarteen Etxea. Biarritz
Ipar Euskal Herrian, azken 13 urteetan, sail elebidunetako kopuruak %82z hazi dira. Gaur egun, ama eskolatik lizeora, 13.500 ikasle baino gehiagok euskaraz ikasten dute sail desberdinetan. Gure lurraldean, hein handi batean adin piramidearen zolatik eta eskolaren bitartez jokatzen da euskararen berreskuratzea.
Rol handi bat jokatzen badu ere, ezin zaio eskolari dena delegatu. Euskarak plazan, familian, aisialdian eta eguneroko bizian ere bizi behar du, haurraren jabetzea eta motibazioa azkartzeko. Hartarako, gurasoen inplikazioa eta aisialdi eskaintzaren egituraketa egokia beharrezkoak dira.
Testuinguru horretan, nola sustatu euskararen eskolaz kanpoko erabilera? Zer egin dezakete hobeki gurasoek? Nola ezagutarazi euskarazko aktibitate eskaintza?
Gogoeta eta trukaketaz haratago, egitasmo konkretuak marrazteko saioak izanen dira. Irailean hasiko da Mintzalasaien karietara eta azaroan segituko Baxe Nafarroko euskararen urtaroaren karietara. Bien artean, Eusko Ikaskuntzak solasaldiak bilduko ditu idazki batean.
Nori zuzendua
- Euskara teknikariak
- Euskalgintzako langileak
- Guraso elkarteak
- Euskaltzaleak
- Aisialdi eta irakaskuntzako profesionalak
Helburuak
- Egiten dena ezagutu
- Diskurtso egoki baterako oinarriak pausatu
- Etorkizuneko dispositiboetarako oinarriak pausatu
Edukia
Gurasoen motibazioak, bakoitzaren rola, eraikitzeko diskurtsoak, existitzen diren tresnak, lurraldearen beharrak, marraztu beharreko estrategiak…
Egitaraua
9:00 Harrera kafea. Ongi etorria
9:30 Sarrera hitzaldia: Eskolatze kopuruen bilakaera
Eguzki URTEAGA. Ipar Euskal Herriko Eusko Ikaskuntzako lehendakaria
10:00 Mintzaldia: Ikastoletako guraso erdaldunen motibazioak Lapurdiko kostaldean
Urko IKARDO. Bortzirietako euskara teknikaria
10:30 Mintzaldia: Haur euskaldunen gurasoen ardura: ekarpen bat Nafarroatik
Paula KASARES. Nafarroako Unibertsitate Publikoa
11:00 Atsedenaldia
11:30 Mahai ingurua: Zer egiten dugu, guk, euskara ikastetxetik aterarazteko?
Parte hartzaileen arteko trukaketak
Moderatzailea: Hélène CHARRITON. ERABIL kolektiboa
12:00 Talde lana: Zer behar du gure lurraldeak, euskararen eskolaz kanpoko erabilera azkartzeko? Datorren saioan, zer landu eta nola?
Moderatzailea: Hélène CHARRITON. ERABIL kolektiboa
12:30 BATERATZEA: Talde lanen emaitza. Konklusioa.
Iban LARRANDABURU. Eusko Ikaskuntza
13:00 Luntxa
Antolatzaileak
Mintzalasai
Baxe Nafarroako euskararen urtaroa
Eusko Ikaskuntza
Informazio gehiago
