Euskal kantutegia

BEREZKO TESTUA

1.Jaun Baruak aspaldin
xedera bat hedatu zin.
Txori eder bat atzeman dizu
Paubeko seroren konbentin.
Orai harekin lotzen dizu,
aspaldian desir beitzin.

2.-Jauna, entzun duzu:
felizitatzen zitugu.
Musde la Plazaren alaba ederra
zuk duzula esposatu.
Andere hura irus duzu,
zuri ez dizugu dolu.

3.-Xedera balitz halako
merkatuetan saltzeko,
Xiberuko aitonen semeek
eros letzakeie oro,
halako txori edertto
zonbaiten atzemateko.

4.-Igaran apirilaren burian,
armadaren erdian,
zintudan bihotzian,
armak oso eskkian,
present espiritian,
manka besoen artian.

5.-Jauna maite banauzu,
erraiten duzun bezala,
kita ezazu, kita ezazu
Erregeren zerbitzua
eta maite herria,
uken dezadan plazera.

6.-Ez diot kita, maitea,
erregeren zerbiztua.
Sortu nauzu ohorezko,
erregeren zerbitzuko.
Maite dut ohorea
zugatik, xarmagarria."