Bruselan aurkeztu berri den “Subiranotasun lurralde gatazkak Europan” izeneko dokumentua izan du ardatz hil honetako hizketaldiak.
Eusko Legebiltzarreko legelaria eta dokumentuaren erredakzio-taldeko kide Zelai Nikolas, eta Graduate Institute Genevako Nazioarteko Zuzenbideko irakasle Neus Torbisco-Casals aritu dira Solasaldiak atalean.
Bi adituak bat datoz subiranotasunaren lurralde-gatazkak konpontzeko Europako argitasun-esparru baten beharrarekin. Eusko Ikaskuntzako ikerketa-taldeak egindako dokumentuak gatazka horietara hurbiltzeko paradigma berri baten beharra jasotzen duenez, paradigma berri horren oinarriei eta hura sustatzeko ekintzei buruz galdetzen zaie.
Azkenik, elkarrizketan aztertu dute zer aukera-leiho ireki daitezkeen ekimen hori Europako erakundeen aurrean aurkezteko.
