Otsailerako komunikazio eta kultur arloko profesionalei zuzendutako hainbat ikastaro antolatu ditu Asmoz Fundazioak.
Ahozko eta idatzizko komunikazio gaitasuna nola hobetu
Bosgarren edizioa izango den ikastaro honetan, jendaurreko komunikazio-egoerei (ahozko zein idatzizkoei, lan alorrekoei zein maila pribatukoei) modu eraginkorrean aurre egiten ikastea da helburu nagusia, Joxerra Garziaren eskutik.
Kultur ondarearen digitalizazioa
Duela zenbait urtetik, bildumen digitalizazioa prozesu giltzarria bihurtu da kultur erakundeetan, horien aktibitatea neurri handi batean eraldatuz. Kultur Ondarearen digitalizazioa formakuntzak, proiektuen kudeaketa zuzena egiteko jarraibideak erakutsiko dizkizu.
QGIS: informazio espazialaren analisi eta kudeaketarako tresna
Ikastaro honen helburua Geografia Informazioko Sistemak ezagutaraztea da eta QGIS programaren oinarrizko erabilera ikastea.
Artxibo-dokumentu elektronikoen kudeaketarako oinarriak
Ikastaroaren helburua ikasleei artxibo-dokumentu elektronikoak erabiltzen jakiteko “biziraupen-pakete” bat eskaintzea da, metodologia teorikoa, aktiboa eta parte-hartzailea baliatuz.
Ikastaro hauetan guztietan zabalik dago izen-ematea. Eusko Ikaskuntzako bazkideek %15eko deskontua daukate.