2019an eratu zen Eusko Ikaskuntzaren Ikerketa Proiektuen Batzordea, eta erakundearen estrategia zientifikoaren berme da.
Ikerketa Egitasmo Batzordea (IEB) izena du Eusko Ikaskuntzaren proiektu nagusiak aztertu eta ebaluatzeko ardura duen organoa; kalitatea, egokitasuna, interesa eta bideragarritasuna kontuan hartuta egiten du. Kontseilu Errektoreko hiru kidek (gaur egun, Xabier Alkorta, Anjeles Iztueta eta Manu Olariaga), Eusko Ikaskuntzako zuzendariak (Arantza Cuesta), bi arduradun zientifikok eta abian diren proiektuen kudeaketako beste hainbat kidek osatzen dute. Gainera, ebaluatu beharreko edukien arabera, beren arloetan ibilbide ezaguna duten espezialistek eta kanpoko adituek parte hartzea eskatzen da. Izan ere, orain arte, kanpoko hogei adituk bat egin dute Batzordearen deialdiekin.
Batzordeak orain arte lau proiektu ebaluatu ditu: Lurralde burujabetza gatazkak Europan: praktika onak eta ebazpen proposamenak; GizarteLAB; Parte-hartze kulturalerako politikak: Kultur eskubideak; eta Euskal nortasuna(k) XXI. mendera begira: 2050 helburu. Kasu horietan guztietan, lortutako kalifikazioari eta gomendioei esker, programa horiek aldatu eta hobetu dira, abian jarri edo gauzatu ahal izateko.
Hilabete horretatik aurrera, Batzordea 2022rako proiektuak baloratzen hasiko da. Hezkuntza Sistema: etorkizuna elkarrekin lantzen proiektua izango da lehena urtarrilaren amaieran.
