Euskal Hezkuntza Sistemaren etorkizuna aztertuko dute profesional eta eragileek Iparraldean, urriaren 15ean, eta Nafarroan, hilabete bereko 22an.
Eusko Ikaskuntzak lurralde-foro horien deialdia egin du, kulturatik, arteetatik, sozioekonomiatik, esparru zientifiko eta teknologikotik, erakundeetatik, hezkuntza komunitatetik eta abarretik hezkuntzaz aritzeko. Helburua da eremu desberdinetako pertsonek elkarrekin identifikatzea Euskal Hezkuntza Sistemaren agertoki desiragarriak eta etorkizuneko lehentasunak, eta, hala, esparru partekaturako oinarriak finkatzea.
Aztiker eta Elhuyar soziologia-zentroak, UPV/EHUko Ikerketa eta Master Taldearekin lankidetzan diseinatutako metodologia parte-hartzailearekin, funtsezko galdera bat du abiapuntu: zer gizarte-eredu nahi dugu? Eta, neurri horretan, zer norabide eman behar diogu hezkuntzari? Eztabaida bi ardatz nagusiren inguruan kokatuko da:
- Gure herriaren iraunkortasuna eta hezkuntza. Gure herrialdeko jasangarritasuna eta hezkuntza.
- Gobernantza eta mugaz gaindiko gobernantza. Eraldaketarako gobernantza eta antolaketa: ezagutza komunitarioa, mugaz gaindiko lankidetza eta kultura demokratikoa.
Hezkuntzaz arituko gara kulturatik, arteetatik, sozio-ekonomiatik, zientzia eta teknologia esparrutik, erakundeetatik, hezkuntza komunitatetik, ...
