Babesleak

Bazkideak
 

Eusko Ikaskuntzaren bazkideak bere funtsezko oinarri eta euskarri bat dira.

Edonor izan daiteke Eusko Ikaskuntzaren bazkide, jatorria, adina, ideologia eta prestakuntza edozein dela ere...

Erakundea babestu eta erakundeak antolatzen dituen egitasmoetan parte hartzeko aukera ematen du bazkidetzak, baita eskaintza bereziak jaso eta antolatzen diren ekimentan lehentasuna izateko ere. Bazkide arrunta (31 urtetik gora), bazkide gaztea (3o urtera arte) edo bazkide babeslea izan zaitezke, urteko kuota edo ekarpen berezia eginez.

Zu ere izan zaitezke bazkide! 

Eusko Ikaskuntzako bazkideek Euskal Herriarekiko interesa eta konpromisoa duten edozein ezagutza eta eskarmentu mailako pertsonak dira.

• Pentsamendu ireki, plural eta independenterako guneetan parte hartu nahi duten pertsonak dira. Ikuspegi zientifiko, ireki eta diziplina anitzekotik abiatuta azterketa, ikerketa eta ezagutza aplikatuaren sustapena bultzatu nahi dutenak. Zientziarekin eta kulturarekin, berrikuntzarekin eta aurrerapen kolektiboarekin konpromiso aktiboa duten pertsonak.
• Gizarte zibilaren aktibazioan lan egin eta jendartea ahalduntzeko eta aldaketen protagonista bilakatzeko baliabideak eta ezagutza eskaintzeko prest dauden norbanako edo erakundeak dira.
• Gizarte-erronka estrategikoei buruzko azterketa eta hausnarketa bultzatu, eta gai horiei erantzun berritzaileak eskaini nahi duten pertsonak dira. Eraldaketa ahalbidetzea xede dute, gizartetik abiatuta eta gizartearekin bat, alegia.
• Erakunde eta elkarteekin kolaboratu nahi duen orok ezagutza sareak sortzeko.

Laguntzaileak
 

Erakunde anitz dira Eusko Ikaskuntzaren egitekoa babesten dutenak.